Hins vegar hef ég e-s séð ansi öfgafullar tilvitnanir úr Kóraninum án þess að ég sé e-r sérfræðingur í honum. Ef svo er þá væri nú kannski ráð að draga þá vitleysu fram líkt og margan öfgafullan boðskap biblíunnar og ræða það á opinskáan hátt í stað þess að “túlka” fornritin á ásættanlegan hátt – er það ekki bara afskræming á því sem þar stendur.

Ef vitleysan er dregin fram þá ætti slík umræða að stuðla að því að þessi fornu rit séu sett á viðeigandi stall: Lífsspeki úr fornöld þar sem margt er gott en mikið sem er úrelt enda bara gamlar og um margt úreldar bækur. Tímanum væri betur borgið að leggja áhersla á siðfræði án trúar. En … stundum þurfa menn að fara Krísuvíkurleiðina.
Jon Helgi

Hvað með að tengja þetta saman við eftirlitsmyndavélar sem í dag er víða litið til sem öryggisþáttar – þær eru að finna í miðborginni og er ekki metfjöldi þeirra í miðborg Lundúna. Ef eitthvað kemur uppá þá má spila upptökur og bera kennsl á andlit – eru það rök gegn slæðum? Spyr sá sem ekki veit!

Jón Helgi

Og til hamingju með nýja bloggsetrið!

Ég er alveg sammála þér hvað varðar þessa ugnvænlegu þróun að stríð séu orðin einkarekin af fyrirtækjum sem hafa enga ábyrgðarskyldu við almenning. Fyrir utan Blackwater eru margir tugir slíkra málaliðafyrirtækja til, það nægir að fletta þeim upp á Wikipedia til að fá nasaþefinn af umfangi þessa geira. Málaliðafyrirtækjum var geysimikill akkur í því hvernig Rumsfeld og pótintátar hans ákváðu að reka Íraksstríðið hið nýja. Með notkun þeirra er t.d. komið í veg fyrir að almenningur verði mikið var við mannfallið þar sem hættulegustu verkefnin eru oft falin slíkum fyrirtækjum. Mannfall í röðum málaliða eru aðeins neðanmálslína í ársreikningi málaliðafyrirtækja og verður þar af leiðandi ekki að stórpólitísku máli í Bandaríkjunum. Benda má að mannfallið í Víetnam var ein af stærstu ástæðunum fyrir því hversu það stríð varð óvinsælt og mikilvægt á pólitískum vettvangi. Þó að núverandi stríð í Írak sé orðið afar óvinsælt meðal almennings er það samt sem áður að mestu utan við daglega tilveru almennings. Áberandi jarðarfarir hersins eru þess vegna orðnar fátíðar á meðan málaliðarnir fá annað hvort venjulga greftrun almúgamannsins eða bara hreinlega grafnir þar sem þeir féllu í Írak.
Þangað til almenningur í BNA gerir sér grein fyrir því hversu gífurlegar lántökur hafa átt sér stað til að fjármagna stríðið og það hversu afar skuldsett bandaríska ríkið er orðið, þá má kannski fara að sjá mótmælagöngur. Það skondna er að lánsféð er að langmestu leyti fengið erlendis frá, meðal annars að stórum hluta frá Evrópu, Kína og auðmönnum í Saudi Arabíu.

Bkv, Baldur

Eitt megininntak Mannréttindasáttmála SÞ er að mismuna ekki fólki og þar með talið á grundvelli trúarbragða. Í Danmörku eru lög og það kann ekki góðri lukku að stýra að mismuna mönnum og skiptir þar engu hvaða trú eða skoðanir viðkomandi hefur. Ef ég hef þá skoðun/trú að ég geti tekið lögin í mínar hendur ef mér finnst svo vera og skjóta mann og annan þá er það hugsanlega mín skoðun/trú en ef það er á skjön við lög í mínu samfélagi þá verður það að víkja eða ég – nema að þú viljir stjórnleysi sem vissulega margir aðhyllast.

Spurningarnar eru því væntanlega tvær. Í fyrsta lagi hvort allir sem búa í samfélaginu eiga að vera jafnir fyrir lögum? Í öðru lagi eru lögin sanngjörn?

Hvort lögin séu sanngjörn eða ekki í þessu tilviki er flókið mál og hef enga skoðun á því (mikil forréttinda að þurfa ekki að hafa skoðun!) en á meðan lögin eru eins og þau eru þá þykir mér einsýnt að maðurinn þarf að fara að lögum eða flytja í samfélag sem leyfir fjölkvæni.

KK
Jon Helgi